إبداعات المرحوم الشربيني خطاب

[حسن بخيت]

[align=center]

[font=arial]( شكر الله سعيكم )

بعد التعب مرتاح
نايم علي وداني
عدلوني ع القبلة
ومسبلين اجفاني
مع إني كنت موصي
مراتي وشيخ البلد
يغسلوني شرعي
ويزمزموا اكفاني
ويجيبوا صيِّت كبير
ويهندسوا صواني
ويصوروني فيديو
ويسجلوا اللي جاني
عاوزها جنازة فخمة
تليق بعزوتي ومكاني
*****
يا مستجاب الدعا
يا عالم بأحوالي
خشبة شايلها اربعة
ع الأخرة وخداني
جارية ومتسربعة
شايله البعيد الفاني
عريان من غير بردعة
زي أمي ما ولداني
****
يا خلق فين الوفا
ماهو ده اللي بكاني
في حبة خلقْ لفوني
قالوا مش راجع تاني
دفنوني ولحقوا الغدا
بط وفراخ ف صواني
عملوا اللي علي كيفهم
حتي العزا حلواني
لا جابو شيخ قرُّووة
كم صورة ف صواني
ولا قالوا وحدووووه
الناس اللي شيلاني
يا اخونَّا شوفوا المرة
من تاني يوم نسياني
لبسة ومتزوقة
ومنشنه ع التاني


~*¤ô§ô¤*~*¤ô§ô¤*~ـــــــــ~*¤ô§ô¤*~*¤ô§ô¤*~

( عاوز يا سهام )

عاوز يا سهام
علي وجه السرعة
عروسة شامورد (1)
حلوة ومش قرعة
لبسه الفستان
عريان ومقُّور
من غير أكمام
والوش النادي
مكياجه عادي
ماعو ف العادي
يا ست سهام
بدر منُّور
***
حتي المعازيم (2)
يلبسوا سواريه
علي أحدث موضة
من جيب البيه
والبيه بسموكن
هادي وساكن
زي الأمرا
مجلي ومتعطَّر
حاطط ف الجاكت
وردة حمرا
تركنه ع الرف
ويَّا العواجيز
وتجيني ترقص
سمبا وربما
أو حتي تخدني
نرقص فالس
والبيه القاعد
منكاد متغاظ
نديله بمبا
وإن دُختْ
أو أغمي عليَّا
رشي علي وشي
حبِّة ميَّة
وهاتيلي رقَّاصة
بترقص شرقي
ترد فيَّا الحيوية
أجري وراها
وأرقص ويَّاها
أحلي رقصة شرقية
أما عروستي
القاعدة هناك
في الكوشة (3)
ومستنية
لمَّا تطولني
هاتطلع روحي
في ثانية
إذا كانت فيَّا
روح باقية

°ˆ~*¤®§(*§*)§®¤*~ˆ°ـــــــــــ°ˆ~*¤®§(*§*)§®¤*~ˆ°


( كابوس 00!!؟ )

أنا كل مَنُّوي أروح أصليِّ
أمور غريبة بتحصل ليّ
ِألقي شيطاني أبن الجنَِّي
يحضر بسرعة يشاغلني
يفضلْ يوسوس يخايلنيّ
ِبكل آمالي اللِّي ف بالي
يحللِّي فيها ويزين هالي
وأنا من خيبتي ومن عبطي
أسرح معاه غصبن عني
لآخر المشوار
*****
ساعات يجيني في منامي
في شكل كابوس
ألقاني معبَّط في عروسة
من ألف عروسة
ناكشين الروس
****
حتة مربي علي فطيرة
نسوان جميلة ومثيرة
شبه هيفاء ولاَّ شاكيره
ينخوروا الرغبة في جسدي
زي السوس
****
لمَّا خيالهم
يجي ع السيرة
الواحدة منهم ترقص لي
رقصة مهوسة و مثيرة
اجي ألماسهاأو أقرب منها
أوحتي أحاول أبوسها
ألاقي نار بتحرسها
تولَّّع في فرش الدار
*****
أصرخ وأحاول أنجد نفسي
ألقي عضلاتي المشلولة
مثبِّتاني في الفرشة
حلقة ومسمار
****
محبوس في حجرة
مقفوله وماليش فرار
مسكوك بابها بالأكرة
وقفل وترباس
وألقي العروسة الننوسة
تقلب غولة
تخنقني
وتكتم في الأنفاس
اصرخ وأقول
يا إخوانا يا اطيب ناس
حد منكم ينجدني
ياخد بإيدي ويدخلني
روضه وجنة منا بتمني 00!!
لحظة أتحضن أو حتي أنباس
****
أتاري صوتي
مش طالع
والبيت والع
ما يطفي ناره
غير صوت جامع
يبعت لي
من ع المدنة آدان

][][§¤°^°¤§][][ــــــــــ][][§¤°^°¤§][][

( صباح نادي )

صباح نادي
نغم ساري
بلون الحب بيصبَّح
وبينادي علي الأزاهير
في جنة عشقي يا بلادي
بلاد العرب والمشاهير
****
ساعات ناسها نعسانة
يصحيِّها ديك الفجر لمَّا يصيح
وساعات بالحب نشوانة
تقول غناويها صدَّاحة للعصافير
تلقي شذاها بلسم يداوي
جروح حبيبتي المخلصة
و قلوب أهل الهوي المجاريح

§¤°~®~°¤§ـــــــــ§¤°~®~°¤§


[b]( سبب الموت 00!!؟ )[/

[محمود الديداموني]

الشربين خطاب
أديب وصاحب كلمة محترمة
ويجيد فن كتابة الزجل
ويرتجل ذلك ارتجالا
لما لدية من براعة وقدرة عالية على التجاوب اللحظى مع الأحداث
ودائما ما يقدم ازجاله الساخرة مغلفة بروح الفكاهة
وهذا دليل وعى بالكتابة .. وبالإيمان فى قدرة المتلقى على انتزاع الدلالة
شكرا لك اخى الكريم حسن بخيت على هذا التثبيت
ومزيد من الألق ننتظره من الصديق الجميل الشربينى خطاب

[حسن بخيت]

الله يرحمك ياشربيني

( شكر الله سعيكم )

بعد التعب مرتاح
نايم علي وداني
عدلوني ع القبلة
ومسبلين اجفاني
مع إني كنت موصي
مراتي وشيخ البلد
يغسلوني شرعي
ويزمزموا اكفاني
ويجيبوا صيِّت كبير
ويهندسوا صواني
ويصوروني فيديو
ويسجلوا اللي جاني
عاوزها جنازة فخمة
تليق بعزوتي ومكاني
*****
يا مستجاب الدعا
يا عالم بأحوالي
خشبة شايلها اربعة
ع الأخرة وخداني
جارية ومتسربعة
شايله البعيد الفاني
عريان من غير بردعة
زي أمي ما ولداني
****
يا خلق فين الوفا
ماهو ده اللي بكاني
في حبة خلقْ لفوني
قالوا مش راجع تاني
دفنوني ولحقوا الغدا
بط وفراخ ف صواني
عملوا اللي علي كيفهم
حتي العزا حلواني
لا جابو شيخ قرُّووة
كم صورة ف صواني
ولا قالوا وحدووووه
الناس اللي شيلاني
يا اخونَّا شوفوا المرة
من تاني يوم نسياني
لبسة ومتزوقة
ومنشنه ع التاني

[بدرية سعيد]

غفر الله له واسكنه الجنان
نجده وقد استحضر لحظة الوداع
وكأنه يعلم ساعة رحيله
سبحان الله العظيم
لك الود استاذ حسن
وياليت يجمعوا جميل
زجله في كتاب تكريما له

[سمير الفيل]

والله وحشني الشربيني خطاب بقلبه الابيض ودماثة خلقه..
الله يرحمه..

[محمد مهاوش الظفيري]

غفر الله له واسكنه الجنان

[عبدالعزيز الصياد]

هي الدنيا . رحم الله الشربيني

[سمير الفيل]

رحم الله الشربيني خطاب كان ساخرا ، متواضعا، بسيطا في حياته ..
وقد ذهبنا لتقديم واجب العزاء بعد وفاته في مدينته شربين..
اللهم تغمده بواسع رحمتك..

[بدرية المالكي]

رحم الله صاحب الكلمة السهلة الممتنعة شربيني إلى الجنة بإذن الله